FOTOREPORTAJ

Andijon mashinasozlik institutida Milliy qadriyatlar oyligi doirasida “Milliy qadriyatlar – millat ma’naviyatining ko‘zgusi” mavzuida ma’naviy-ma’rifiy tadbir o‘tkazildi.

Milliy va an’anaviy qadriyatlarni e’zozlash, yoshlar o‘rtasida o‘zaro hamjihatlikni mustahkamlash, ular qalbida xalqimizga xos bo‘lgan ezgu fazilatlarni yuksaltirish, ajdodlarimizdan meros milliy-ma’naviy boyligimizni ko‘z qorachig‘iday asrab-avaylash va yanada qadrlash maqsadida tashkil etilgan tadbirda barcha fakultetlardan jamoalar ishtirok etdi.

[gallery-14389]

Tadbir davomida milliy liboslar ko‘rgazmasi, milliy sport o‘yinlari hamda milliy raqs, milliy qo‘shiq ijrosi va milliy taom tayyorlash bo‘yicha ko‘rik-tanlovlar tashkil etildi. Milliy an’analarimizni aks ettirgan kuy-qo‘shiqlar ijro etildi. 

Yakunda Transport va logistika, Iqtisodiyot hamda Avtomobilsozlik fakultetlari talabalari faol ishtiroki bilan hakamlar e’tirofiga sazovor bo‘ldi.

O‘zA fotomuxbiri Zuhriddin UMURZOQOV olgan suratlar