Bahorgi havo harorati odatdagidan issiq kelishi dalalarimizdagi meva-sabzavotlarning barvaqt uzilishiga, eksport hajmining oshishiga sabab bo‘ldi. Albatta, serquyosh o‘lkamizda pishib yetilgan sarxil meva sabzavotlarimizga jahon bozorlarida doimo talab bor, faqat sifati yuqori, belgilangan standartlar asosida yetishtirilgan bo‘lsa.

Bu yilgi ob-havoning ushbu mahsulotlarimizga ta’sirini bilish, bugungi pishiqchilik mavsumining erta kelish asl sabablarini o‘rganish maqsadida akademik Mahmud Mirzayev nomidagi Bog‘dorchilik, uzumchilik va vinochilik ilmiy-tadqiqot institutining ilmiy ishlar va innovatsiyalar bo‘yicha direktori o‘rinbosari Ahmadjon Qosimov bilan suhbatlashdik. 

- Bu yilgi meva-sabzavotlarning tez pishib yetilishining asosiy sabablari nimada va bunday holatlar O‘zbekistonda avvallari ham kuzatilganmi? 

- Qishloq xo‘jaligida bunday holatlar juda ko‘p uchrab turadi. Bu asosan tabiat bilan bog‘liq omillar hisoblanadi. Birinchi navbatda bog‘dorchilik yo‘nalishida kelgusi yilgi hosil bir yil oldin shakllana boshlaydi. Ya’ni, o‘tgan yili mevali ekinlarimiz hosil berganidan keyin masalan, danakli mevalardan o‘rik may-iyun oylarida pishib yetilib, hosil terib olinganidan so‘ng kelgusi yilga hosil ko‘rtaklarini shakllantirib boradi.

<iframe width="650" height="420" src="https://www.youtube.com/embed/JLXw2fIEs-g" title="Mevalarning erta pishishi hosil sifatiga ta’sir etadimi?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Sanjar Toshpo‘latov, Nishonboy Abduvoyitov, O‘zA