Xabar berganimizdek, o‘q otish sporti bo‘yicha O‘zbekiston terma jamoasi a’zolari Peru poytaxti Lima shahrida o‘tgan Janubiy Amerika ochiq kubogida ishtirok etdi.

Mamlakatimiz sharafini munosib himoya qilgan merganlarimiz musobaqa yakuniga ko‘ra, 4 ta oltin, 1 ta kumush va 2 ta bronza medalini qo‘lga kiritdi.  

Umumiy hisobda 7 ta medallar shodasiga ega chiqqan terma jamoamiz a’zolaridan Muhammad Kamolov, Javohir Sohibov, Sitora Ergashboyeva, Gulbonu Qambarbekova va Vladimir Svechnikov g‘alabaga munosib hissa qo‘shdi. 

Endi hamyurtlarimiz ushbu mamlakatda boshlanayotgan Jahon kubogi bosqichida yurtimiz sharafini himoya qiladi.  

T.Ro‘ziyev, O‘zA