Shri-Lankada tok tarqatish qurilmasi ichiga kirib qolgan maymun butun mamlakat bo‘ylab elektr ta’minoti uzilishiga sababchi bo‘ldi, dedi ushbu mamlakat energetika vaziri Kumara Jayakodi mahalliy ommaviy axborot vositalari vakillariga.

– Jonivor tarmoq transformatoriga teginib, tizimda nomutanosiblik keltirib chiqardi, – dedi mulozim.

Keyinroq vazirlik Panaduradagi tarmoq kichik stansiyasida kuzatilgan favqulodda holat tufayli orol bo‘ylab ta’minotda uzilish yuzaga kelganini ta’kidladi. Nosozlik sabab ertalab boshlangan ta’mirlash ishlari kechgacha davom etgan.