«Mard o‘g‘lon» davlat mukofoti bilan taqdirlash to‘g‘risida

O‘zbekiston Respublikasi Prezidentining qarori

Mamlakatimizda amalga oshirilayotgan islohotlarda alohida faollik ko‘rsatib, o‘zining bilim va qobiliyati, intiluvchanligi, tashabbuskorligi va samarali mehnati bilan Vatanimiz taraqqiyotini yuksaltirish, Yangi O‘zbekistonning xalqaro miqyosdagi obro‘-e’tiborini yanada oshirishga katta hissa qo‘shib kelayotgan, yuksak ma’naviyatli, mustaqil fikrlaydigan, qat’iy hayotiy pozitsiya, keng dunyoqarash va yuqori salohiyatga ega, xalq manfaati va yurt istiqboli uchun mas’uliyatni o‘z zimmasiga olishga qodir bo‘lgan fidoyi va mard o‘g‘lonlarimizni munosib rag‘batlantirish maqsadida:

1. O‘zbekiston Respublikasi Prezidenti huzuridagi Davlat mukofotlari va geraldika bo‘yicha komissiyaning Qoraqalpog‘iston Respublikasi, viloyatlar va Toshkent shahrining iqtidorli yigitlarini fan, ta’lim, tibbiyot, madaniyat, san’at, sport, ishlab chiqarish, harbiy xizmat sohalari va huquqni muhofaza qilish organlaridagi faoliyatida erishgan alohida yutuqlari uchun «Mard o‘g‘lon» davlat mukofoti bilan taqdirlash to‘g‘risidagi takliflari ilovadagi ro‘yxatga muvofiq ma’qullansin.

2. «Mard o‘g‘lon» davlat mukofoti bilan taqdirlanganlarga sovrindorlik diplomlari va ko‘krak nishonlari tantanali vaziyatda topshirilsin.

3. O‘zbekiston Respublikasi Iqtisodiyot va moliya vazirligi «Mard o‘g‘lon» davlat mukofoti sovrindorlarining har biriga bazaviy hisoblash miqdorining 50 baravari miqdorida pul mukofoti berilishini ta’minlasin.

4. O‘zbekiston Milliy axborot agentligi, O‘zbekiston Milliy teleradiokompaniyasi va boshqa ommaviy axborot vositalariga «Mard o‘g‘lon» davlat mukofoti sohiblarining ibratli faoliyati, ularning noyob iste’dodi va erishgan yutuqlarini keng yoritib borish tavsiya etilsin.

5. Mazkur qarorning ijrosini nazorat qilish O‘zbekiston Respublikasining Bosh vaziri A.N.Aripov va O‘zbekiston Respublikasi Prezidenti maslahatchisi G‘.G‘.Mirzayev zimmasiga yuklansin.

O‘zbekiston Respublikasi Prezidenti

Sh.Mirziyoyev

***

“Mard o‘g‘lon” davlat mukofoti bilan taqdirlanganlar

RO‘YXATI

Allashov Raxim Tolibay uli - O‘zbekiston Respublikasi Mudofaa vazirligining  harbiy qism guruh mutaxassisi (Qoraqalpog‘iston Respublikasi)

Alimbayev Nodirbek Turg‘un o‘g‘li - To‘rtko‘l tumanidagi “Ullubog‘” ovul fuqarolar yig‘ini yoshlar yetakchisi (Qoraqalpog‘iston Respublikasi)

Teshaboyev Oybek Abdumannob o‘g‘li - Andijon davlat texnika institutining doktoranti (Andijon viloyati)

Xursanov Doniyorbek Damirjon o‘g‘li - O‘zbekiston Respublikasi Mudofaa vazirligining harbiy qism guruh komandiri (Andijon viloyati)

Rahimov Daler Rahmonovich - 58-xalqaro kimyo olimpiadasi ilmiy qo‘mitasi a’zosi (Buxoro viloyati)

Mustaqimov Sherali Shuhrat o‘g‘li - O‘zbekiston Respublikasi Favqulodda vaziyatlar vazirligining Favqulodda vaziyatlar markazi katta inspektori (Buxoro viloyati)

Zokirov Jaxongir Lazizbek o‘g‘li - Boks bo‘yicha O‘zbekiston milliy terma jamoasi a’zosi (Jizzax viloyati)

Abduxaliqov Javoxir Aliboy o‘g‘li - O‘zbekiston Respublikasi Milliy gvardiyasining harbiy qism otryad mutaxassisi (Jizzax viloyati)

Xudoyqulov Javohir Tursunpo‘lat o‘g‘li - O‘zbekiston Respublikasi Davlat xavfsizlik xizmatining Chegara qo‘shinlari harbiy xizmatchisi (Qashqadaryo viloyati)

Yuldoshev Dilshodbek Ulug‘bek o‘g‘li - Toshkent shahar ichki ishlar bosh boshqarmasining guruh katta mutaxassisi (Qashqadaryo viloyati)

Istamov Hayot Yo‘lchiyevich - Navoiy davlat konchilik va texnologiyalar universiteti katta o‘qituvchisi (Navoiy viloyati)

Salimjonov Xazrat Akramjon o‘g‘li - “Navoiy kon-metallurgiya kombinati” aksiyadorlik jamiyatining Navoiy mashinasozlik zavodi muhandis-texnologi (Navoiy viloyati)

Astanaliyev Elmurod Tursunali o‘g‘li - Toshkent davlat transport universiteti mustaqil izlanuvchisi (Namangan viloyati)

Karimov Umidjon Javlon o‘g‘li - Toshkent shahar bojxona boshqarmasining bo‘lim katta tezkor vakili (Namangan viloyati)

Elbekov Shohzodbek Elbek o‘g‘li - O‘zbekiston Respublikasi Milliy gvardiyasining harbiy qism otryad komandiri (Samarqand viloyati)

Xudoyberdiyev Dilshodjon Rayimberdi o‘g‘li - Samarqand viloyati suv sport turlariga ixtisoslashtirilgan sport maktabining akademik eshkak eshish bo‘limi sportchisi (Samarqand viloyati)

Xolmatov Otabek Shuxrat o‘g‘li - Sirdaryo viloyati ichki ishlar boshqarmasining otryad katta mutaxassisi (Sirdaryo viloyati)

Musurmonqulov Bektosh Qodirberdi o‘g‘li - O‘zbekiston Respublikasi Mudofaa vazirligining  harbiy qism guruh mutaxassisi (Sirdaryo viloyati)

Qosimxojiyev Najmiddin Abdujabbor o‘g‘li - O‘zbekiston davlat jismoniy tarbiya va sport universiteti 4-bosqich talabasi (Surxondaryo viloyati)

Noraliyev Sarvar Nurislom o‘g‘li - O‘zbekiston Respublikasi Mudofaa vazirligining harbiy qism batareya komandiri (Surxondaryo viloyati)

Xalmaxanov Aytjan Daniyor o‘g‘li - Chirchiq olimpiya va paralimpiya sport turlariga tayyorlash markazi 2-bosqich talabasi (Toshkent viloyati)

Larin Yevgeniy Alekseyevich - Toshkent davlat tibbiyot universiteti 6-bosqich talabasi (Toshkent viloyati)

Mahammadjonov Qudratbek Ulug‘bek o‘g‘li - Farg‘ona davlat texnika universiteti 2-bosqich magistranti (Farg‘ona viloyati)

Muxammadxonov Shuxratjon Muzafarjon o‘g‘li - O‘zbekiston Respublikasi Milliy gvardiyasining harbiy musiqa akademik litseyi komandiri (Farg‘ona viloyati)

Rajapov Artur Ixtiyor o‘g‘li - O‘zbekiston Badiiy ijodkorlar uyushmasi a’zosi, haykaltarosh (Xorazm viloyati)

Aminboyev Qodirbergan Olimboy o‘g‘li - Urganch davlat pedagogika instituti 3-bosqich talabasi (Xorazm viloyati)

Begmuratov Humoyun Xusniddinovich - Shaxmat bo‘yicha O‘zbekiston erkaklar terma jamoasi a’zosi (Toshkent shahri)

G‘ulomov Paxlavon Farrux o‘g‘li - Toshkent shahridagi Prezident maktabi 11-sinf o‘quvchisi (Toshkent shahri)