FOTOREPORTAJ

Surxondaryo viloyati Bandixon tumanidagi 9-davlat maktabgacha ta’lim tashkilotida “Metodik mahorat kuni” tadbiri o‘tkazildi. Unda viloyat hokimi Ulug‘bek Qosimov, viloyat maktabgacha va maktab ta’limi boshqarmasi boshlig‘i Husniddin Mamadiyev ishtirok etdi. 

Tadbirda viloyatning har bir hududidan tanlab olingan tayanch maktabgacha ta’lim tashkilotlariga Maktabgacha va maktab ta’limi vazirligi tomonidan ajratilgan 330 ta planshet, 15 ta elektron doska hamda televizorlar topshirildi. 

[gallery-21345]

Tadbir davomida maktabda yo‘lga qo‘yilgan to‘garaklar faoliyati bilan tanishilib, ta’lim sifatini oshirish, dual ta’lim tizimini sifatli yo‘lga qo‘yish yuzasidan mutasaddilarga tavsiyalar berildi.

Tumandagi 43-umumta’lim maktabida ham xuddi shunday tadbir tashkil etilib, unda shahar va tumanlardagi 21 ta maktab uchun jami qiymati 2,6 milliard so‘mlik 38 turdagi sport anjomlari tuhfa qilindi. 

Jonibek QO‘ZIMURODOV (surat), O‘zA