FOTOREPORTAJ

Mahallani qo‘llab-quvvatlash bo‘yicha Qashqadaryo viloyat kengashining tashkiliy yig‘ilishi bo‘lib o‘tdi.

Unda tuman (shahar)lardan mahalla fuqarolar yig‘inlari raislari, mahallani qo‘llab-quvvatlash bo‘yicha viloyat kengashi a’zolari, viloyat hokimi o‘rinbosarlari, viloyat sektorlari, davlat va jamoat tashkilotlari rahbarlari hamda ommaviy axborot vositalari vakillari ishtirok etdi.

[gallery-15500]

Yig‘ilishda O‘zbekiston Respublikasi Prezidentining 2023 yil 21 dekabrdagi “Mahalla institutining jamiyatdagi rolini tubdan oshirish va uning aholi muammolarini hal etishda birinchi bo‘g‘in sifatida ishlashini ta’minlashga qaratilgan chora-tadbirlar to‘g‘risida”gi Farmoni hamda “O‘zbekiston mahallalari uyushmasi faoliyatini yo‘lga qo‘yish va mahallalarda boshqaruv tizimini takomillashtirishga oid qo‘shimcha chora-tadbirlar to‘g‘risida”gi qaroridan kelib chiqadigan ustuvor vazifalar to‘g‘risida Qashqadaryo viloyat hokimi, mahallani qo‘llab-quvvatlash viloyat kengashi raisi Murotjon Azimov ma’ruza qildi.

Shuningdek, O‘zbekiston mahallalari uyushmasining Ta’sis konferensiyasida viloyatdan ishtirok etadigan delegatlar saylab olindi.

Jamshid NORQOBILOV (surat), O‘zA