Tennischilarimiz xalqaro turnirning juftlik bahslarida finalga chiqdi
Qozog‘istonda o‘smirlar o‘rtasida o‘tkazilayotgan xalqaro turnirning juftlik bahslarida tennischilarimiz Laylo Bahodirova va Milana Maslenkova muvaffaqiyatli ishtirok etmoqda.
Qozog‘istonda o‘smirlar o‘rtasida o‘tkazilayotgan xalqaro turnirning juftlik bahslarida tennischilarimiz Laylo Bahodirova va Milana Maslenkova muvaffaqiyatli ishtirok etmoqda.Xalqaro tennis federatsiyasi (ITF) tomonidan tashkil etilgan nufuzli musobaqaning juftlik bahslari yarim finalida Laylo va Milana rossiyalik tennischilar Alyona Nikishina va Aleksandra Mironovaga qarshi kortga chiqib, 7:5, 6:0 hisobida zafar quchdi.
L.Bahodirova hamda M.Maslenkova final uchrashuvida qozog‘istonlik Dariya Detkovskaya va rossiyalik Avelina Sayfiddinova juftligi bilan kuch sinashadi.
Laylo Bahodirova turnirning yakkalik bahslarida Alyona Nikishinani 6:0, 6:3 hisobida yengdi va yarim finalda yana bir rossiyalik tennischi Mariya Tkacheva bilan raqobatlashadigan bo‘ldi.