Olmaliq shahrida “Olmaliq kon-metallurgiya kombinati” aksiyadorlik jamiyati madaniyat markazida yoshlarning kreativ g‘oyalari, innovatsion tafakkuri va tadbirkorlik salohiyatini qo‘llab-quvvatlashga qaratilgan forum bo‘lib o‘tdi.

Forum O‘zLiDeP, Yoshlar parlamenti hamda tegishli davlat va jamoat tashkilotlari hamkorligida tashkil etildi. Tadbirning asosiy maqsadi — yoshlar o‘rtasida kreativ iqtisodiyotni rivojlantirish, startap loyihalarni qo‘llab-quvvatlash, innovatsion g‘oyalarni amaliyotga tatbiq etish hamda tadbirkorlik muhitini yanada rivojlantirishdan iborat.

Ma’lumot uchun, bugungi kunda sun’iy intellekt texnologiyalari iqtisodiyotdan tortib, ta’lim, tibbiyot, qishloq xo‘jaligi va boshqaruv tizimigacha chuqur kirib bormoqda. Yil boshida 2030 yilga borib, dunyo iqtisodiyotida sun’iy intellekt hajmi 15 trillion dollarga yetishi prognoz qilingan bo‘lsa, hozirgi tahlillar bu raqam 20 trillion dollardan ortishini ko‘rsatmoqda.

Forum aynan ushbu soha istiqbollariga bag‘ishlandi.

<iframe width="640" height="480" src="https://www.youtube.com/embed/nC128-AxGKQ?si=oaihch5O3JcBkKxu" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ziyovuddin Nuriddinov, Oybek Davronov, O‘zA