Janubiy Koreyada O‘zbekiston Respublikasining birinchi savdo uyi ro‘yxatdan o‘tkazildi. Unda mamlakatimizda ishlab chiqarilgan oziq-ovqat mahsulotlari, meva-sabazvotlar, to‘qimachilik, ipak buyumlari, kimyoviy,  kulolchilik va zargarlik  buyumlari namoyish etiladigan shou-rum ochish rejalashtirilgan.

Loyiha  ikki mamlakat o‘rtasida savdo-iqtisodiy munosabatlarni  faollashtirish, yurtimizning eksport  imkoniyatlarini rivojlantirish, mahalliy mahsulotlarni, shu jumladan yuqori qo‘shimcha qiymatga ega mahsulotlarni  Janubiy Koreya bozoriga olib kirish, reklama kampaniyalarini tashkillashtirish,  eksport ko‘lamini kengaytirish hamda Janubiy Koreyada o‘tkaziladigan turli ko‘rgazmalarda ishtirok etish istagida bo‘lgan tadbirkorlarga yordam ko‘rsatishga qaratilgan. 

Aziza Alimova tayyorladi, O‘zA.