Kommunal xizmatlari uchun «Mening uyim» elektron billing tizimi test rejimida ishga tushirildi
AOKAda Uy-joy kommunal xizmat ko‘rsatish vaziri va mutasaddilari ishtirokida o‘tkazilgan matbuot anjumanida ma’lum qilinishicha, ko‘p kvartirali uy-joylar to‘g‘risidagi ma’lumotlar bazasi elektron billing tizimiga kiritib borilmoqda.
Hozirda abonentlar soni 1,3 mln. nafarni tashkil qilmoqda. Aholiga qulaylik yaratish maqsadida «Mening uyim» mobil ilovasi ham joriy etilgan.
Respublika bo‘yicha jami 39 265 ta ko‘p kvartirali uy mavjud bo‘lib, shundan 22 mingdan ortig‘i 3 753 ta shirkat va 324 ta boshqaruvchi tashkilot tomonidan boshqariladi.
Sohani yanada takomillashtirish yuzasidan muhim takliflar ishlab chiqilmoqda.
O‘zA