Fasllar kelinchagi, deya e’tirof etiladigan bahorning iliq tafti dillardan dillarga ko‘chib, barchani birdamlik, hamjihatlikka chorlamoqda. Bugun ona Vatanimizning qay go‘shasiga bormang, ana shunday bahoriy kayfiyat, shodu xurramlikka guvoh bo‘lasiz. Tabiatning ajib uyg‘onishiga hamohang tarzda ko‘kka bo‘y cho‘zayotgan ulkan bunyodkorlik ishlari, bog‘u rog‘lar, ko‘chayu xiyobonlardagi obodlik har qanday kishi qalbida daxldorlik hissini paydo qiladi.

“Qadriyatlaring boqiy bo‘lsin, Navro‘z!” degan bosh g‘oya asosida keng miqyosda nishonlanayotgan Navro‘zi olam mazmun-mohiyatiga xos tarzda mahallalarda dosh qozonlarda sumalak va boshqa bahoriy taomlar tayyorlanib, xalqimiz qadriyatlariga hamohang tarzda hamjihatlikda, bir tanu bir jon bo‘lib, ko‘klamga peshvoz chiqilmoqda.

[gallery-22403]

Alisher ISROILOV (surat va video), O‘zA