“Zamin” Xalqaro jamoat fondi, O‘zbekiston Respublikasi Qishloq xo‘jaligi vazirligi, Akademik M.Mirzayev nomidagi bog‘dorchilik, uzumchilik va vinochilik ilmiy-tadqiqot instituti bilan hamkorlikda institutning Qashqadaryo ilmiy tajriba stansiyasida “Hosildor Zamin” ko‘chatchilik markazining rivojlanish konsepsiyasi”, “Qashqadaryo viloyati tuproq-iqlim sharoitiga mos mevali ko‘chatlarini ko‘paytirishning zamonaviy agrotexnalogiyalari” mavzularida ilmiy amaliy seminar bo‘lib o‘tdi.

Unda Consort Group MCHJ, Netherlands Fruit Solutions Uzbekistan vakili, Global GAP, Organic FSSI maslahatchisi va Akademik M.Mirzayev BU va VITI Qashqadaryo ilmiy tajriba stansiyasining zamonaviy ko‘chat yetishtirish bo‘yicha mutaxassislari ishtirok etdi.

[gallery-17878]

Netherlands Fruit Solutions Uzbekistan vakili, Global GAP, Organic FSSI maslahatchisi Furqat Alimuhamedov tomonidan Zamonaviy mevali ko‘chatlar yetishtirish bo‘yicha Niderlandiya tajribasini tinglovchilar bilan bo‘lishdi va hozirgi kunda Respublikamizda mevachilik sohasidagi kamchiliklar va yutuqlarda Niderlandiya tajribasi qanchalar zarur ekanligi xaqida tinglovchilarga eng asosiy va dolzarb maslahatlar berildi.

Akademik M.Mirzayev BU va VITI Qashqadaryo ilmiy tajriba stansiyasi bo‘lim boshlig‘i F.Qurbonov tomonidan Mevali ko‘chatlar yetishtirishning tashkiliy va iqtisodiy asoslari haqida seminar qatnashchilariga bir biridan qiziq va eng kerakli ma’lumotlar ulashildi.

Seminarning yakunida trenerlar va semenar qatnashchilaridan “Hosildor Zamin” zamonaviy ko‘chatchilik ta’lim majmuasi rivojlanishi uchun eng asosiy qilinadigan ishlar belgilab olindi.

O‘lmas Barotov, Jamshid Norqobilov (surat), O‘zA muxbirlari