Isroil Bosh vaziri Binyamin Netanyaxu mintaqaga Tel-Aviv va XAMAS o‘rtasida asirlar almashinuvi va G‘azo sektorida o‘t ochishni to‘xtatish bo‘yicha muzokarani muhokama qilish uchun kelgan AQSH Davlat kotibi Entoni Blinken bilan uchrashdi.

Suhbat hukumat boshlig‘ining G‘arbiy Quddusdagi qarorgohida bo‘lib o‘tdi.

Martabali mehmon mudofaa vaziri Yoavom Gallant bilan ham gaplashishni rejalashtirgan.

Avvalroq Blinken va Prezident Isaak Gersog o‘rtasida muloqot bo‘lib o‘tdi.

Davlat kotibi uchrashuvlar oldidan bergan bayonotida joriy muzokaralar Isroil va XAMAS o‘rtasida asir almashish muammosini hal qilish, sektorda o‘t ochishni to‘xtatish uchun “so‘nggi imkoniyat” bo‘lishi mumkinligini bildirdi. Ayni masala 15-16 avgust kunlari Qatar poytaxti Doxa shahrida ham muhokama qilingan edi.

XAMAS fikricha, Netanyaxu AQSH, Misr va Qatar vositachiligidagi muzokarada yangi shartlar qo‘yib, kelishuvga erishishga to‘sqinlik qilgan.