Yevropaning uch davlati – Ispaniya, Fransiya va Portugaliyada elektr toki tizimida uzilish kuzatilgan. Nosozlik aeroportlar va boshqa muhim infratuzilma inshootlariga ta’sir ko‘rsatib, transport vositalari harakati ham cheklangan. Natijada shaharlar tartibsizlikka duch keldi.

“Irna news” yozishicha, hodisaga nima sabab bo‘lgani hozircha aniq emas.

Pireney yarim oroli bo‘ylab millionlab odam murakkab vaziyatga tushib qolgan. Ispaniyadagi shifoxonalar generator yordamida ishlashga majbur. “Madrid Open” tennis turniri dasturidagi o‘yinlar to‘xtatildi. Portugaliyada banklar, maktablar yopilgan.