Yopiqlik qaysi davrda bo‘lsa ham hech bir sohada rivojlanishga olib kelmagan. O‘zbekiston ham ma’lum muddat yopiqlik davrini boshdan kechirdi. Hatto qo‘shni davlatlar bilan o‘zaro tushunmovchilik ortidan chegaralar yopildi. Bordi keldilar uzildi. Savdo aylanmasi ortga chekindi. Buning natijasida juda ko‘pchilik qiynaldi.

"Uchqo‘rg‘on" avtoyo‘l o‘tkazish punkti Qirg‘iz Respublikasining "Kensay" o‘tkazish punkti bilan chegaradosh hisoblanadi. 1991 yilda tashkil etilgan ushbu o‘tkazish punktining ish faoliyati 2016 yil 23 maydan buyon to‘xtatilgan edi.

Davlatimiz rahbarining say-harakatlari bilan 2024 yil 12 sentyabr kuni o‘tkazish punktining faoliyati qayta tiklandi.

Ma’lumki, so‘nggi yillarda Farg‘ona vodiysi chakana savdo hamda kiyim-kechak, poyabzal va boshqa maishiy vositalarni ishlab chiqarish bo‘yicha ham yuqori natijalarni qo‘lga kiritib kelmoqda. Albatta, bu kabi o‘tkazish punktlarining ochilishi, mamlakatimiz hunarmandlari hamda turli yo‘nalishdagi tadbirkorlar faoliyatining yanada rivojlanishi xalqaro miqyosda katta imkoniyatlarga erishishida muhim omil bo‘lib xizmat qiladi.

<iframe width="560" height="315" src="https://www.youtube.com/embed/LjYOrMGaoWk?si=URTGGRuOrdp_APLO" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

O‘zA