Samarqand shahridagi «Press Print Group» birlashmasiga qarashli “Istiqbol poligraf” mas’uliyati cheklangan jamiyatida trikotaj mahsulotlari va ikkilamchi qog‘ozdan tayyor mahsulot ishlab chiqarish sehlari ishga tushirildi.

Samarqand shahridagi «Press Print Group» birlashmasiga qarashli “Istiqbol poligraf” mas’uliyati cheklangan jamiyatida trikotaj mahsulotlari va ikkilamchi qog‘ozdan tayyor mahsulot ishlab chiqarish sehlari ishga tushirildi.

Korxonaning ikkilamchi qog‘ozni qayta ishlash sexini tashkil etish uchun “O‘zbeklizinginterneyshnl” kompaniyasidan 65 ming AQSh dollari qiymatiga ega ishlab chiqarish uskunalari lizing asosida xarid qilindi. Oyiga 150 million so‘mlik mahsulot ishlab chiqarish quvvatiga ega sehda yigirma ish o‘rni yaratildi.

-O‘tgan yili mazkur korxonani tashkil etib, shahar hokimligidan ajratilgan yer maydonida zaruriy binoni qurish ishlarini boshlagan edik, - deydi korxona rahbari Amur Kim. – Bugungi kunda belgilangan ikki sehni ishga tushirdik. “Ipotekabank” Samarqand viloyati filialining 400 million so‘mlik kredit mablag‘i evaziga 60 ta tikuv mashinasi va boshqa zarur asbob-uskunalar seh ishini bugungi kun talablari darajasida tashkil etish imkonini berdi. Tikuv sexida joriy yil oxiriga qadar yana 70 ish o‘rni yaratish mo‘ljallanmoqda.