Инфантино Эроннинг Жаҳон чемпионатида иштирок этишини қўллаб-қувватлади
Яқин Шарқдаги кескин вазиятга қарамай, ФИФА президенти Жанни Инфантино футбол бўйича Эрон миллий терма жамоасининг Жаҳон чемпионатида иштироки шартлигини билдирди.
Унинг таъкидлашича, саралаш босқичида ғолиб чиқиб, турнирга йўлланмани қўлга киритган жамоа ўз мамлакати ва халқи учун майдонга тушишга ҳақли.
Аввалроқ, Эрон расмийлари сиёсий сабаблар ва хавфсизлик юзасидан АҚШ, Канада ва Мексика мезбонлик қиладиган ушбу мундиалда иштирок этмаслик ҳақида баёнот беришган эди.
Жумладан, ўлка спорт вазири футболчиларнинг Шимолий Америкада ўзларини хавфсиз ҳис қилмасликлари ва ташкилий камчиликлардан хавотирда эканини айтган. Бироқ Инфантинонинг янги баёноти ФИФА ушбу муаммони тинч йўл билан ҳал этиб, Эронни мусобақага олиб келишга қатъий ишонч билдираётганини англатмоқда.
Ф.Яхшибоева, ЎзА
