Ҳумоюн Султонов Германия турнирининг 1/4 финалида ўйин ўтказди
Германиянинг Марбург шаҳрида теннис бўйича эркаклар ўртасида ўтказилаётган ITF таснифидаги халқаро турнирда ҳамюртимиз Ҳумоюн Султонов ярим финал остонасига етиб борди.
Кеча ўтказилган баҳслар якунига кўра, халқаро турнирнинг 1/2 финал жуфтликлари маълум бўлди.
Мусобақада мамлакатимизнинг иккинчи ракеткаси Ҳумоюн Султонов 1/4 финалда словениялик Филип Жефф Планинсек билан куч синашди.
Икки соату 50 дақиқа давом этган муросасиз ва кучли руҳий босим остида ўтган ўйинда Европа вакили 5/7, 6/2, 2/6 ҳисобида устунликка эришди.
Айтиш лозим, Ҳумоюн Султонов жаҳон профессионал теннисчилар рейтингида ўзидан анча баландда жойлашган рақибига муносиб қаршилик кўрсатгани, иккита сетнинг биттасида ғалаба қозонгани эътиборли бўлди.
Маълумот учун, Ҳ.Султонов айни пайтда дунё рейтингида 603, турнирда саккизинчи рақам остида таснифланган Планинсек эса 565-ўринни эгаллаб турибди.
Т.Рўзиев, ЎзА
