Хоккей бўйича Қозоғистон очиқ мунтазам чемпионати доирасида Тошкентнинг “Ҳумо“ хоккей клуби Қарағанданинг “Сариарка“ жамоаси билан рақобатлашди.

Пойтахтимиздаги “Ҳумо арена“ мажмуасида ўтказилган ушбу ўйинда “Ҳумо“ клуби рақибини 5:1 ҳисобида мағлуб этди. Бугун, 1 ноябрь куни ушбу жамоалар ўртасида иккинчи учрашув ташкил этилади. Мазкур баҳс “Ҳумо арена“ мажмуасининг кичик аренасида соат 19:30 да бошланади.

Маълумот ўрнида: айни пайтда “Ҳумо“ 13 та ўйинда 15 очко жамғариб, турнир жадвалида еттинчи поғонада бормоқда, “Сариарка“ эса 15 та ўйин билан 21 очко тўплаб, 3-ўринни эгаллаб турибди. Чемпионат пешқадами 18 та ўйинда 25 очкони қўлга киритган “Номад” жамоасидир.

Жавоҳир Тошхўжаев, ЎзА