Hindistonda Zahiriddin Muhammad Bobur hayoti haqida kino olindi. Film “Bobur – Mo‘g‘ul imperatori” deb nomlanadi. Kartinada asosiy rollarni taniqli kinoyulduzlar Shohrux Xon, Ajay Devgan, Ayshvariya Ray, Navazuddin Siddiqiy va Randip Huda, Amitabh Bachchan, Farida Jalol, Kunal Kapur va Sonu Sud ijro etgan.

Film ssenariysi Boburning xotiralari asosida yaratilgan “Boburnoma” memuar asariga asoslangan.

Qayd etilishicha, filmni suratga olish ishlari 2022 yilda boshlangan va hozirda post-prodyuserlik bosqichida. Kartina “Yash Raj Films” homiyligi ostida ishlab chiqarilmoqda. Film rejissyori Nitish Tivar, prodyuseri esa Karan Johar hisoblanadi.

Kartinaning katta ekranlarga chiqish sanasi hozircha e’lon qilinmagan.