Avval xabar berganimizdek, joriy yilning 7-14 fevral kunlari Xitoyning Harbin shahrida IX qishki Osiyo o‘yinlari o‘tkaziladi.

Quvonarlisi, mazkur musobaqaning rasmiy sayti qit’a o‘yinlarida mamlakatimiz sportchilari hozircha 6 ta yo‘nalishda ishtirok etishi haqida ma’lum qildi.  

Aniqroq aytadigan bo‘lsak, IX qishki Osiyo o‘yinlarining konkida uchish yo‘nalishida Danila Semerikov, short-trek bahslarida Denis Ayrapetyan va Daniil Yeybog, figurali uchishda Dmitriy Chigirev, Yekaterina Geynish, Niginabonu Jamoliddinova, Sevinch Rahimova, Azizmurod Shabazov, tog‘ chang‘isi bellashuvlarida Arman Gayupov, Nikita Gorkovskiy, Kseniya Grigoreva, Valeriya Kovaleva, Mariya Morozova, Medet Nazarov, Sabina Rejepova, Komiljon To‘xtayev, biatlon poygalarida Dilmurod Abdurahmonov, Rolan Raimqulov, chang‘i alpinizmi bo‘yicha Maxsudjon Akobirov, Mohinur Aralova, Feruza Boboqulova, E’zozbek Xushvaqtov, Shohrux Sardorov, Jasur Shamshiddinov, Asila Shoyimova, E’zoza Shaymardonova mamlakatimiz sharafini himoya qiladi.  

Ma’lumot o‘rnida: IX qishki Osiyo o‘yinlarida qit’a sportchilari 11 ta sport turi bo‘yicha 64 ta musobaqalar dasturida ishtirok etadi.  

Javohir Toshxo‘jayev,

O‘zA