"Yangi O‘zbekiston" universitetiga Germaniyaning Frayberg universiteti delegatsiyasi tashrif buyurdi. Delegatsiya universitetimizning Yangi Toshkent hududidagi zamonaviy binosi qurilish jarayonlari bilan tanishdi.

Muzokaralarga ko‘ra, tibbiyot fakulteti 2026/2027 o‘quv yilida Yangi Toshkentda ochilishi rejalashtirilgan bo‘lib, dastlab 50 nafar talaba qabul qilinadi.   

Ushbu tibbiyot fakulteti o‘z klinikasi va tadqiqot markaziga ham ega bo‘lib, kelgusida nemis professor-o‘qituvchilari tomonidan nafaqat darslar tashkil etilishi, balki davolash, jarrohlik va tadqiqot ishlari ham amalga oshirilishi belgilandi.   

Muhayyo Toshqorayeva, O‘zA