Sirdaryo viloyati Guliston tumani g‘allakorlari har gektar yerdan o‘rtacha 60-70 sentner hosil olib, yurtimiz xirmoniga 19 ming 729 tonnadan ortiq sara don topshirdi.

– Bu g‘alabaning ildizi chuqur va mustahkam. Prezidentimiz tashabbusi bilan so‘nggi yillarda qishloq xo‘jaligida amalga oshirilayotgan tub islohotlar, jumladan, klaster tizimining joriy etilishi, bozor munosabatlarining rivojlantirilishi, dehqon va fermer xo‘jaliklarining yerga bo‘lgan munosabatini tubdan o‘zgartirishga qaratilgan yangicha yondashuvlar bugungi zafarning asosiy poydevoriga aylandi, – deydi tuman hokimi vazifasini bajaruvchi Olimjon Jo‘rayev.

G‘ulom Primov, O‘zA muxbiri