Poytaxtimizda qizlar o‘rtasida futbol bo‘yicha U20 Osiyo kubogining final bosqichiga yo‘llanma beruvchi saralash bahslarining “G” guruhidan o‘rin olgan o‘yinlari o‘tkazilmoqda.

Mazkur guruhdan o‘rin olgan Iordaniya va Shimoliy Mariana orollari terma jamoalari bahsi 6:1 hisobida yakunlandi. Ushbu uchrashuvdan so‘ng O‘zbekiston - Bahrayn terma jamoalari o‘yini tashkil etildi. Futbolchi qizlarimizning to‘liq ustunligida o‘tgan o‘yin 8:0 hisobida o‘z yakuniga yetdi.  

[gallery-24640]

Shu tariqa, O‘zbekiston va Iordaniya termalari 3 ochkoga ega bo‘ldi va gollar nisbatiga ko‘ra, 1-2-pog‘onalardan joy oldi. Mazkur guruhdagi ikkinchi tur o‘yinlari 8 avgust kuni bo‘lib o‘tadi. Unda futbolchi qizlarimiz Shimoliy Mariana orollari termasiga qarshi maydonga tushsa, Bahrayn Iordaniya bilan o‘ynaydi  

Javohir Toshxo‘jayev,  

Alimurod Mamadaminova (surat)

O‘zA