Европа прокуратураси Орбан ҳукуматини текшириши мумкин (+видео)
Euronews тарқатган хабарга кўра, Венгрия бош вазири Виктор Орбан ҳукуматининг эҳтимолий қонунбузарликлари Европа прокуратураси томонидан текширилиши мумкин. Бироқ, буни фақат Венгриянинг янги ҳукумати ҳал қилади. Европа прокуратураси бош прокурори Лаура Кодруца Кёвеши ҳам тасдиқлаган.
Унинг айтишича, турли давлатлар бу масалада турлича ёндашув танлаши мумкин. Масалан, Польша Европа прокуратурасига қўшилганда, у 2021 йилдан бошлаб орқага қайтиб ҳам иш олиб бориши мумкин, деб белгиланган. Швеция эса фақат қўшилгандан кейинги жиноятлар бўйича ваколат беришни танлаган. Венгрия қайси йўлни танлаши ҳозирча номаълум, сабаби бу масалани энди янги ҳукумат кўриб чиқади.
Европа прокуратураси етакчисининг таъкидлашича, бу масалада Венгрия парламенти асосий рол ўйнайди, чунки парламент тартибга солувчи қонун қабул қилиши керак.
Унинг сўзларига кўра, Европа прокуратураси Венгриянинг қўшилишига тайёр.
Ҳозирги кунда Европа прокуратурасига 24 та давлат қўшилган. Фақат Ирландия, Дания ва Венгрия ҳали аъзо эмас. Унинг ваколати чекланган бўлиб, у фақат Евроиттифоқ маблағлари билан боғлиқ фирибгарлик ва молиявий манфаатларга зарар етказувчи жиноятларни текшира олади.
Венгрияда Виктор Орбан ҳукумати ўз даврида Европа прокуратурасига қўшилишга қарши чиққан, чунки бундай қўшилиш мамлакат суверенитетига зарар етказади, деб ҳисобланган. Бироқ Петeр Мадьяр сайловолди кампаниясида Европа прокуратурасига қўшилишни қўллаб-қувватлашини айтган ва сайловдан кейин ҳам бу позициясини тасдиқлаган. Шундай экан, Орбан ҳукуматини текшириш янги келадиган ҳукумат қарорига боғлиқ.
<iframe width="650" height="420" src="https://www.youtube.com/embed/Pp7L7Uupjfw" title="Evropa prokuraturasi Orban hukumatini tekshirishi mumkin" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Анвархўжа Аҳмедов, ЎзА
