ATB “Qishloq qurilish bank” mijozlar uchun qulayliklar yaratishda davom etadi.

O‘zbekiston Respublikasi Prezidentining 2021 yil 11 martdagi “Bozor tamoyillariga asoslangan ipoteka kreditlari ajratish orqali aholini uy-joy bilan ta’minlashga oid qo‘shimcha chora-tadbirlar to‘g‘risida”gi PF-6186-sonli Farmoniga asosan yangi tartib doirasida aholiga ipoteka kreditlari ajratishda qo‘shimcha bir qancha qulayliklar yaratildi.

Kredit, ayniqsa ipoteka krediti rasmiylashtirish jarayoni qanchalik qisqa va qulay bo‘lsa, mijozlar uchun shunchalik jozibalidir. Shundan kelib chiqqan holda endilikda birlamchi bozordan yangi xonadonni ipoteka krediti asosida sotib olishni istagan yurtdoshlarimiz uchun yaxshi yangilikka qo‘l urildi. Gap shundaki, mijozlar kredit hujjatlarini bank filialiga bormasdan, onlayn tartibda yuborishlari mumkin bo‘ldi. Bunda bank filiallari onlayn kelib tushayotgan ariza va tegishli hujjatlarni 3 kun muddatda o‘rganib, natijasi bo‘yicha (kredit ajratish yoki ajratmaslik sabablari ko‘rsatilgan holda) elektron pochta yoki boshqa vositalar orqali ariza beruvchiga xabarnoma yuboradi.

Onlayn ariza orqali ipoteka krediti ajratilishi bo‘yicha ijobiy xabarnoma olgan fuqarolar ATB “Qishloq qurilish bank” filialiga kredit shartnoma imzolash uchun tashrif buyuradilar.

Bu jarayon fuqarolarning hujjat topshirish uchun ketadigan vaqtini tejash imkonini berayotgani bilan ahamiyatlidir.

Ipoteka krediti ajratilishi yuzasidan onlayn ariza topshirish to‘g‘risida batafsil ma’lumot olish uchun quyidagi linkka yoki bankning (78) 150 00 55 (qisqa raqam: 1254)telefon raqami orqali murojaat qilishingiz mumkin!

Qishloq qurilish bank – farovon hayotingiz xizmatida!

Murojaat uchun:

Telefonlar: (78) 150-00-55

Qisqa raqam: 1254

Veb sayt: www.qqb.uz

Bank axborot xizmati

Reklama huquqi asosida