Дзюдочиларимиз Грузияга йўл олди
Лаша Гуджеджиани етакчилигидаги мамлакатимиз дзюдочи йигитлари ҳамда Андрей Штурбабин бош мураббийлигидаги дзюдочи қизларимиз жорий йилнинг 28-30 август кунлари Швейцариянинг Лозанна шаҳрида ўтадиган "Катта дубулға" туркумидан жой олган халқаро турнирда иштирок этиш учун йўл олди.
Дунёнинг 78 давлатидан 529 нафар маҳоратли дзюдочилар қатнашадиган мазкур нуфузли мусобақада Ўзбекистон терма жамоасининг 10 нафар йигит ҳамда 11 нафар хотин-қиз спортчилари Ватанимиз шарафини ҳимоя қилади.
Айтиш лозим, Лаша Гуджеджиани 2020 йилнинг декабридан шу йилнинг июлигача Грузия терма жамоаси бош мураббийи лавозимида фаолият юритган. Унинг бошчилигидаги грузин дзюдочилари “Токио-2020” олимпиадасида 1 та олтин, 3 та кумуш, 2024 йилги ёзги Олимпия ўйинларида эса 1 та олтин, 2 та кумуш медални қўлга киритган. 2025 йили эса Грузия жамоаси жаҳон чемпионатининг жамоавий баҳсларида чемпионлик шоҳсупасига кўтарилган.
Эслатиб ўтамиз, 315 нафар эркак, 214 нафар аёл дзюдочи қатнашадиган нуфузли турнир 30 августга қадар давом этади
Т.Рўзиев, ЎзА
