Chelyabinsk viloyatida O‘zbekiston fuqarolari ishtirokidagi YTH yuzasidan
Mazkur vaziyat nazoratga olingan va jarohatlanganlar va ularning yaqinlari bilan aloqa o‘rnatilgan.
2020 yilning 7 fevral kuni tonggi soat 6:00 da Yujnouralsk – Magnitogorsk trassasida Verxneuralsk tumani (Chelyabinsk viloyati) hududida ikki avtomobil ishtirokida sodir bo‘lgan yo‘l-transport hodisasida 3 kishi, jumladan O‘zbekiston fuqarosi M.R. vafot etgan, hamyurtlarimiz M.N. va A.R. jarohat bilan kasalxonaga yotqizilgan.
Mazkur vaziyat nazoratga olingan va jarohatlanganlar va ularning yaqinlari bilan aloqa o‘rnatilgan.
Tashqi mehnat migratsiyasi agentligining Moskva shahridagi vakolatxonasi Bosh konsulxona bilan birgalikda marhumaning jasadini turmush o‘rtog‘i hamrohligida vatanga qaytarish bilan bog‘liq huquqiy va tashkiliy masalalarni hal qilmoqda.
Migratsiya agentligi Axborot xizmati