Aholini oziq-ovqat mahsulotlariga bo‘lgan talabini to‘la qondirish, bozorlarda qishloq xo‘jaligi mahsulotlari narxlarining barqarorligini ta’minlash – bugungi kunning eng muhim talabi.

Davlat statistika qo‘mitasi tomonidan 2022 yil 9 fevral kuni mamlakatimiz hududlaridagi markaziy dehqon bozorlarida asosiy turdagi oziq-ovqat mahsulotlari narxlari bo‘yicha kuzatuvlar olib borildi.

Kuzatuv natijalariga ko‘ra, o‘simlik moyi Toshkent shahrining “Farhod dehqon bozori”da minimal narxlarda sotilayotganligi ma’lum bo‘ldi. Jumladan, ushbu bozorda mahalliy korxonalar tomonidan ishlab chiqilgan 1 litr paxta moyi 13,6 ming so‘m sotilayotganligi kuzatildi. Shuningdek, mazkur bozordagi xususiy tadbirkorlar tomonidan 1 litr paxta moyi 17 ming so‘m oralig‘ida ham savdoga chiqarilgan.

Maksimal narxi esa Toshkent shahrining “Oloy dehqon bozori”, “Eski jo‘va dehqon bozori” va “Mirobod dehqon bozori”da kuzatildi. Mazkur bozorlarda 1 litr kungaboqar moyining maksimal narxi 24 ming so‘mni, minimal narxi 16-20 ming so‘mni tashkil etmoqda.

Quyida o‘rganish natijasida aniqlangan 1 litr o‘simlik moyining respublika hududlaridagi minimal va maksimal narxlari keltirilgan:

Nukus shahar “Nukus dehqon bozori” – 16-19,5 ming so‘m;

Andijon shahar “Yangi bozor dehqon bozori” – 15-20 ming so‘m;

Buxoro shahar “Buxoro markaziy dehqon bozori” – 16-22,5 ming so‘m;

Jizzax shahar “Jizzax markaziy dehqon bozori” – 14-22 ming so‘m;

Qarshi shahar “Qarshi dehqon oziq-ovqat bozori” – 16-21 ming so‘m;

Navoiy shahar “Saxovat” bozori – 17-22 ming so‘m;

“Namangan Chorsu dehqon universal bozori” – 15-21 ming so‘m;

Samarqand shahar “Siyob dehqon bozori” – 15,5-23 ming so‘m;

Termiz shahar “Yashil dunyo markaziy dehqon bozori” – 15-20 ming so‘m;

Guliston shahar “Guliston dehqon bozori” – 14-20 ming so‘m;

Chirchiq shahar “Chirchiq dehqon bozori” –16-22 ming so‘m;

“Ixtisoslashgan Yangiyo‘l shahar dehqon bozori” – 16-19 ming so‘m;

“Farg‘ona shahar markaziy dehqon bozori” – 14,2-20 ming so‘m;

Urganch shahar “Urganch markaziy dehqon bozori” – 16-21 ming so‘m;

Toshkent shahar “Eski jo‘va dehqon bozori” – 15,5-24 ming so‘m;

Toshkent shahar “Oloy dehqon bozori” – 15-24 ming so‘m;

Toshkent shahar “Farhod dehqon bozori” – 13,6-24 ming so‘m;

Toshkent shahar “Qo‘yliq dehqon bozori” – 15,2-23 ming so‘m;

Toshkent shahar “Mirobod dehqon bozori” – 15,2-24 ming so‘m.

2022 yil 9 fevral holatiga ko‘ra, kartoshka va shakar narxlari oshgan:

Suyakli mol go‘shti (1 kg) – 45000 – 68000 so‘m

Qo‘y go‘shti (1 kg) – 52000 – 80000 so‘m

Kartoshka (1 kg) – 3500 – 7000 so‘m

Piyoz (1 kg) –1500 – 4500 so‘m

Sabzi (1 kg) – 1000 – 5000 so‘m

Tuxum (10 dona)  6000 – 14000 so‘m

Guruch (1 kg) – 5000 – 17 500 so‘m

O‘simlik yog‘i (1 l) –13 600 – 24000 so‘m

Shakar (1 kg) – 7900 – 10500 so‘m

Ma’lumot o‘rnida, yuqoridagi ro‘yxatlar orqali faqatgina dehqon bozorlari hududidagi oziq-ovqat mahsulotlari narxlari hisobga olingan. Supermarket, minimarket, do‘konlardagi narxlar inobatga olinmagan.

Muhayyo Toshqorayeva, O‘zA