Boliviyada avtobus jarlikka qulashi oqibatida 20 dan ortiq kishi qurbon bo‘ldi
Voqea mamlakatning markaziy hududida ro‘y bergani aytilmoqda.
Boliviya prezidenti Luis Arsening Twitterda yozishicha, Kochabamba departamentida, Morochata shahri yaqinida ro‘y bergan halokat tufayli 21 kishi halok bo‘lgan va 12 kishi jarohat olgan.
Dastlabki ma’lumotlarga ko‘ra, avtobus Kilyakolo shahriga qarab ketayotganda 200 metr balandlikdan jarlikka qulagan.
Halokatga nima sabab bo‘lgani noma’lum, deyilmoqda xabarda.