Bolgariyaning Sofiya shahrida boks bo‘yicha an’anaviy “Strandja” xalqaro turniri start oldi. 76 marotaba tashkil etilayotgan mazkur turnirda mamlakatimiz sharafini 17 nafar charm qo‘lqop ustalari himoya qilmoqda.

“Strandja” musobaqasining birinchi kunida 3 nafar vakilimiz ringga ko‘tariladi. Aniqroq aytadigan bo‘lsak, bugun, 24 fevral kuni bo‘lib o‘tadigan bahslarda vazni -60 kg. Abdumalik Xalokov qozog‘istonlik Serik Temirjanov bilan raqobatlashsa, ushbu vazndagi ikkinchi vakilimiz Samandar Olimov irlandiyalik Adam Hessionga qarshi jang qiladi. -67 kg. vazn toifasida esa Asadxo‘ja Mo‘ydinxo‘jayev qozog‘istonlik Torexan Sabirxanni sinovdan o‘tkazadi.

Ma’lumot o‘rnida: o‘tgan yilgi “Strandja” turnirida O‘zbekiston terma jamoasi 28 davlat orasida 6 ta oltin, 2 ta kumush va 6 ta bronza, jami 14 ta medal jamg‘arib, umumjamoa hisobida birinchi o‘rindan joy olgandi.

Javohir Toshxo‘jayev, O‘zA