Rossiyaning Moskva shahrida boks bo‘yicha qizlar va o‘smir qizlar o‘rtasida ikki karra jahon chempioni Sofya Ochigava sovrini uchun xalqaro turnir bo‘lib o‘tdi. Unda Temur Axbayev boshchiligidagi ikki terma jamoamiz ham ishtirok etdi.

Yosh qizlar toifasida Muslima Turg‘unova, Sevara Mamatova, Asalya Tulegenova, Rayxona Qurbonboyeva hamda Sobiraxon Shahobiddinova oltin, Maftuna Musurmonova, Muxtasar Aliyeva, Zuhro Rustamova, Sevinch Xurramova hamda Xadichabonu Bekova kumush, Robiya Ravshanova, Nilufar Hamdamova, Maftuna Yangiyeva va Ruxshona Parpiyeva bronza medaliga sazovor bo‘ldi. 

O‘smir qizlar toifasida esa Farangiz Usvaliyeva, Nazokat Mardonova, Shodiyona Meliqo‘ziyeva, Farzona Ro‘ziyeva, Rushanabonu Isayeva, Ulbusin Jalgasbayeva, Samira Turg‘unova, Mavjuda Abdusaidova musobaqa g‘olibiga aylandi.

Shuningdek, Sohiba Xudoyberdiyeva kumush, Qumriniso Muhammadova, Sabrina Chakomanova hamda Lobar Shaymanova bronza medali bilan taqdirlandi.

Shu tariqa, delegatsiyamiz 13 ta oltin, 6 kumush va 7 ta bronza medali bilan har ikki yosh toifasida umumjamoa hisobida birinchi bo‘ldi.

Javohir Toshxo‘jayev, O‘zA