Jizzax viloyatida velosport bo‘yicha “BMX” yo‘nalishida erkaklar va ayollar o‘rtasida O‘zbekiston kubogining ilk g‘olib va sovrindorlari aniqlandi.

Yakkalik “BMX” poygasining erkaklar o‘rtasidagi bahslarda Artur Strelsov, Muhriddin Safarov va Javlon Rahmatov shohsupaga ko‘tarilgan bo‘lsa, ayollar orasida Nozima Egamberdiyeva, Zakima Toliboyeva hamda Muxlisa Sanaqulova musobaqaning oltin, kumush va bronza medallariga sazovor bo‘ldi.  

Eslatib o‘tamiz, mazkur musobaqa Yoshlar siyosati va sport vazirligi, mamlakatimiz velosiped sporti federatsiyasi, Milliy olimpiya qo‘mitasi va boshqa bir qator tashkilotlar tomonidan o‘tkazilmoqda.  

Javohir Toshxo‘jayev, O‘zA