O‘zbekiston Respublikasi Prezidentining Farmoni

O‘zining jonini xavf ostiga qo‘yib, yuksak jasorat, fidoyilik, mardlik kabi chinakam insoniylik fazilatlarini yaqqol namoyon etgani, xususan, Toshkent shahridan oqib o‘tuvchi Bo‘rijar kanalida sodir bo‘lgan suvga cho‘kish bilan bog‘liq favqulodda va murakkab vaziyatda tezkor amaliy yordam ko‘rsatib, voyaga yetmagan qizlarning hayotini saqlab qolgani, shuningdek, jamoat ishlarida faol ishtirok etib kelgani uchun quyidagilar «Jasorat» medali bilan mukofotlansin:

Mamasaliyev Nurmuhammad Toxir o‘g‘li - Toshkent shahridagi «Bo‘rijar» sport kompleksi ishchisi

Samikov Abdumannop Abdinabiyevich (marhum) - Yangiyo‘l tumanidagi dehqon xo‘jaligi boshlig‘i, Toshkent viloyati

 

O‘zbekiston Respublikasi 

         Prezidenti                                                                                            Sh.Mirziyoyev