"Бир бекат" тамойили чегарада нималарни ўзгартиради? (+видео)
Ижтимоий тармоқларда чегара ўтказиш пунктларида “Оne Stop” — “Бир бекат” тамойили жорий этилиши ҳақидаги видеолар ва хабарлар кенг тарқалди. Унда автомобиллар икки давлат назоратидан битта жойда ўтиши ҳақида айтилмоқда. Хўш, ушбу маълумотлар қанчалик ҳақиқат? Мазкур хабарларга аниқлик киритиш мақсадида Божхона қўмитасига мурожаат қилдик.
Божхона қўмитаси маълумотига кўра, “Оne Stop” — “Бир бекат” тамойили чегарада икки давлатнинг назорат тартиб-таомилларини бир жойнинг ўзида ташкил этишни назарда тутади. Мазкур ёндашув Божхона тартиб-таомилларини соддалаштириш ва уйғунлаштириш тўғрисидаги 1973 йилги Киото конвенциясида ҳам акс этган.
Шунингдек, Давлатимиз Раҳбари ҳузурида бўлиб ўтган йиғилишда чегара ўтказиш пунктларида мазкур тамойилни қўллаш орқали юкларни расмийлаштириш жараёнларини тезлаштириш масаласи муҳокама қилинган.
<iframe width="650" height="420" src="https://www.youtube.com/embed/B8yx5Gw-P80" title=""Bir bekat" tamoyili chegarada nimalarni o‘zgartiradi?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>М.Эшмирзаева, Н.Абдувоитов, У.Тўхтаев, ЎзА
