Бамбукдан ҳам мебель тайёрланмоқда
Сурхондарё вилоятининг Шўрчи туманидаги “Best Faxr Mebel” корхонаси замонавий мебель ишлаб чиқариш корхонасини ишга туширди.
Қораариқ маҳалласида иш бошлаган янги корхона ёғоч, пластмасса, темир, қамиш, бамбук ўсимлиги танаси, дарахт новдаси каби хом ашёдан йилига қарийб бир миллиард сўмлик мебель тайёрлайди. Бу ерда ишлаб чиқарилаётган маҳсулотнинг бир қисмини ички бозорда сотиш, қолганини қўшни давлатларга экспорт қилиш режалаштирилган.
Айни пайтда корхонада маҳаллада яшайдиган ўнга яқин киши меҳнат қилмоқда. Келгусида тадбиркор фаолиятини кенгайтириш, мебеллар турини кўпайтириш эвазига яна ўнта иш ўрни яратишни мўлжалламоқда.
Холмўмин Маматрайимов,
ЎзА мухбири