Rossiyaning Sankt-Peterburg shahrida professional boks bo‘yicha o‘tkazilgan “IBA.Pro (https://iba.pro/) 10” turnirida hamyurtimiz Bahodir Jalolov ringga ko‘tarildi.

Mamlakatimizning yengilmas charm qo‘lqop ustasi Bahodir Jalolov musobaqa doirasida super og‘ir vazn toifasida Rossiya vakili Vitaliy Kudukovga qarshi jang olib bordi. 8 raund etib belgilangan ushbu bahsda bokschimiz hakamlar qaroriga ko‘ra, 77-73, 77-74, 78-72 ochko bilan g‘alaba qozondi.

Shu tariqa, Bahodir Jalolov professional boksdagi o‘n oltinchi g‘alabasiga erishdi. Vitaliy Kudukov uchun bu galgi bellashuv o‘n birinchi jang bo‘lib, undagi mag‘lubiyatlar soni 4 taga yetdi.  

Javohir Toshxo‘jayev,

O‘zA