Prezidentimizning 2022 yil 12 apreldagi “Muhandislik-kommunikatsiya tarmoqlari uchun yer uchastkalarini ajratish tartibini takomillashtirish chora-tadbirlari to‘g‘risida” gi qaroriga muvofiq, Sirdaryo hududidan o‘tgan viloyat avtomobil yo‘llari bosh boshqarmasiga qarashli umumfoydalanishdagi avtomobil yo‘llari xatlovdan o‘tkazilib, tegishli tartibda kadastr pasporti topshirilmoqda.

Viloyat hududida 1 ming 450 kilometr avtomobil yo‘llari mavjud. Hozirgacha 1 ming 414 kilometr yo‘lning kadastr pasporti shakllantirilib, UzKard dasturiga tushirildi hamda 1 ming 414 kilometr avtomobil yo‘li davlat ro‘yxatidan o‘tkazildi. Joriy yilning o‘tgan davrida Sirdaryo viloyatida 20 ming 899 ta ko‘chmas mulk ob’ektiga bo‘lgan huquqlar davlat ro‘yxatiga olingan. Ularning 9 ming 259 tasi yakka tartibdagi turar-joy binolari, 4 ming 276 tasi ko‘p qavatli uylardagi xonadonlar, 4 ming 779 tasi yer uchastkasi va 2 ming 553 tasi noturar ko‘chmas mulk ob’ektlaridir.

Yakunlanayotgan yilda suv xo‘jaligiga tegishli 56 ta kanalning 1 ming 973 gektar yer maydoni ham davlat ro‘yxatidan o‘tkazilib, kadastr pasportiga ega bo‘ldi.  

Sh.Suyarov, O‘zA