Buxorodagi kadastr filiallarida arxiv hujjatlari raqamlashtirildi. Bu haqida Davlat kadastrlari palatasi Buxoro viloyati boshqarmasi axborot xizmati ma’lum qildi.

Buxoro viloyatida jami 520 ming 424 ta yuridik va jismoniy shaxslarning egaligida bo‘lgan yakka tartibdagi turar-joy ob’ektlari, ko‘p qavatli uylardagi kvartiralar va noturar-joy ob’ektlari mavjud. O‘tgan 2022 yil yakuniga qadar 518 ming 539 ta ob’ektning hujjatlari kadastrning yagona elektron arxivi bazasiga kiritildi. Hujjatlarning elektron ko‘rinishga o‘tishi ta’minlandi.  

Ma’lumot uchun, eng ko‘p hujjat Buxoro shahri filiali arxivariusi tomonidan kiritilgan. Shaharda elektronlashtirilgan hujjatlar soni 87  ming 668 tani tashkil etadi.  

Arxiv hujjatlarini raqamlashtirish hududlar kesimida tahlil qilinganda, Buxoro tumani 44 214 ta, Buxoro shahar 87 668 ta, Vobkent tumani 36 826 ta, G‘ijduvon tumani 74 143 ta, Jondor tumani 46 149 ta, Kogon tumani 24 847 ta, Kogon shahar 17 804 ta, Qorako‘l tumani 32 623 ta, Qorovulbozor tumani 6 216 ta, Olot tumani 29 714 ta, Peshku tumani 32 483 ta, Romitan tumani 38 007 ta, Shofirkon tumani 47 845 tani tashkil etadi.  

 

Zarif Komilov,  

O‘zA