АҚШда хорижлик талаба ва журналистларга виза чеклови бекор қилинди
“Reuters” хабар беришича, Бостон федерал суди судьяси Деннис Сейлор АҚШ Президенти Дональд Трамп маъмуриятининг хорижлик талаба, тадқиқотчи ва журналистлар учун мамлакатда бўлиш муддатини қисқартириш назарда тутилган янги қоидани кучга киришига бир кун қолганда тўхтатди.
Ички хавфсизлик вазирлиги томонидан ишлаб чиқилган, миллий хавфсизлик ҳамда виза тизимидаги фирибгарликнинг олдини олиш зарурати билан изоҳланган ушбу ташаббусга кўра, талабалар ва алмашинув дастури иштирокчилари учун виза муддати кўпи билан 4 йил, хорижий ОАВ вакиллари учун эса 240 кун этиб белгиланиши керак эди.
Бинобарин, судья вазирлик важларни ўта заиф, деб топди. Чеклов сўнгги эллик йил давомида амал қилиб келган, Америка иқтисодиёти ҳамда илм-фани ривожига улкан ҳисса қўшган тизимни издан чиқаришига урғу берди.
Суд қарорида янги тақиқ олий таълим тизими ва мамлакат иқтисодиёти учун даҳшатли оқибатга олиб келиши, таълим муассасаларига юз миллионлаб доллар зарар етказиб, хорижлик талабалар оқимини кескин камайтириши қайд этилган.
Табиийки, Ички хавфсизлик вазирлиги вакиллари суд қарорини танқид қилиб, амалдаги тизим иммиграция қоидасини суистеъмол қилишга шароит яратаётганини таъкидлаган.
Ф.Яхшибоева, ЎзА
