AQSH Savdo vakili Xitoyning ayrim tovarlari uchun joriy yil 31 mayda muddati tugagan 301-bo‘lim tarif imtiyozini 31 avgustgacha uzaytirdi. Bu haqda "Green Worldwide" xabar berdi.

Tegishli ro‘yxatga telekommunikatsiya va aero fazo uskunalari, tibbiy asboblar uchun qurilma va butlovchi qismlar, quyosh paneli ishlab chiqarish xom ashyosi kiritilgan.

Tarifni pasaytirish nazarda tutilgan 90 kunlik muddat 14 avgustda tugaydi. Boshqa muzokara o‘tkazilmasa, AQSHning Xitoy mahsulotlariga boji 30 foizdan 145 foizga, Xitoyning AQSH tovarlariga boji esa 10 foizdan 125 foizga ko‘tarilishi qayd etilgan.