Cingapurdagi to‘yda ichiga taxminan 40 000 AQSH dollari solingan qizil konvert yo‘qolgach, marosim azaga aylandi. O‘g‘irlangan pulni qimorga tikib yuborgan Li I Vey bir yillik qamoq jazosiga hukm qilindi. Bundan tashqari aybdor er-xotinga tovon ham to‘lashi kerak. Agar pulni qaytarib bera olmasa, qamoq muddati 100 kun uzaytiriladi.

Cingapur sudi ma’lumotiga ko‘ra, 36 yoshli jinoyatchi to‘y bo‘lib o‘tgan mehmonxonada ishlagan. Bu qing‘ir ishni oson amalga oshirishda unga qo‘l kelgan.

Darvoqe, ko‘pgina Osiyo mamlakatlarida to‘y mehmonlari yangi turmush qurganlarga qizil konvertda pul berish odati bor.

Musulmon Ziyo, O‘zA