Өзбекстанға оқуға келген шетелдіктер саны 2,2 есеге артты

2026 жылдың қаңтар–маусым айларында 21 мың 42 шетел азаматы білім алу мақсатында Өзбекстанға келген.

Ұлттық статистика комитетінің мәліметінше, бұл көрсеткіш 2025 жылдың сәйкес кезеңімен салыстырғанда 11,5 мың адамға, яғни 2,2 есеге артқан.

Өзбекстанға оқуға келген шетелдіктер арасында Түркіменстан азаматтары басым. Олардың саны 9 мың 207 адамды құраған.

Осы кезеңде Өзбекстанға білім алу мақсатында келген шетел азаматтарының елдер бойынша саны төмендегідей:

• Түркіменстан – 9 мың 207 адам;
• Үндістан – 3 мың 723 адам;
• Тәжікстан – 1 мың 915 адам;
• Қытай – 951 адам;
• Қырғыз Республикасы – 834 адам;
• Пәкістан – 689 адам;
• Мысыр – 603 адам;
• Корея Республикасы – 526 адам;
• Филиппин – 367 адам;
• АҚШ – 302 адам.

Сонымен қатар, аталған кезеңде басқа мемлекеттерден жалпы саны 1 мың 925 шетел азаматы білім алу мақсатында Өзбекстанға келген.