ӨР Денсаулық сақтау министрлігі медицина тарихында алғаш рет сиам егіздерін өзбек дәрігерлері өте сирек жасалған операция нәтижесінде ажыратып алғанын хабарлады.
2022 жылы 31 мамырда Ош қаласында сиам егіздері дүниеге келген. Олардағы бұл ерекше жағдай жүктіліктің 28-ші аптасында анықталып, болашақ ана Оштан Бішкекке жіберілді. 29-шы аптада босану процесі «кесарь» әдісімен жүргізіліп, өмірге келген салмағы 1600 грамм болатын сәбилерге Фатима және Зухра есімі қойылған.
Денсаулық сақтау министрлігі сиам егіздерін өзбек дәрігерлері қалай ажыратып алғаны жайлы ақпаратпен бөлісті.
Республикалық перинатал орталық жанындағы Неонаталды хирургия оқу-емдік-әдістеме орталығы жаңа туған нәрестелерге күрделі операцияларды жасау жағынан бірегей мекеме.
Мұны көршілес елдерден келіп жатқан науқастардан-ақ байқауға болады.
Бұл аурухана туралы Өзбекстандағы туыстарынан естіген қырғыз егіздерінің ата-аналары былтыр маусым айында осында өтініш білдірген.
Әдетте, сиам егіздері 200 мың жағдайда бір рет кездеседі. Мәліметтер бойынша, олардың көпшілігі өлі туады. Тірі туғандардың 5 пайыздан 25 пайызға дейінгісі ұзақ өмір сүрмейді.
Кішкентай Фатима мен Зухраның денесінің қарын тұсы, дәлірек айтсақ, бауыры бірлесе туған. Ішкі мүшелері бірдей егіздерді ажырату өте күрделі әрі қауіпті операция. Олар жақын туыстар арасындағы некеден, яғни апалы-сіңлілердің балаларынан туған.
Туғаннан кейін 10 күн өтіп ата-аналарына балалардың тірі қалуға мүмкіндігі жоқ екенін айтып, үйлеріне қайтуға рұқсат берілген. Алайда баласының аман қаларынан үмітін үзбеген ата-ана Өзбекстандағы Республикалық перинаталдық орталықтың неонаталдық хирургия орталығының меңгерушісі Бахтиёр Эргашевке телефон арқылы хабарласқан.
Тәжірибелі неонатальды хирург, профессор Б. Эргашев мұқият медициналық тексеруден өту керектігін айтады. Бірақ бұл Ош қаласында мүмкін болмайды. Соған қарамастан егіздер ай сайын онлайн режимде тәжірибелі маманның бақылауында болып, кейін қазан айында Республикалық перинаталдық орталықтың Неонаталдық хирургия оқу-емдеу-әдістеме орталығына сәбилер әкелінеді. Бұл кезде олар 5 айлық еді...
Осы уақытқа дейін мұндай тәжірибе түрі Республикалық ғылыми-тәжірибелік хирургия орталығында бір-ақ рет жасалған. Бұл жағдайда операция шетелден шақырылған маманның басшылығымен және тікелей қатысуымен жүргізілген.
2022 жылдың 16 желтоқсанына дейін Республикалық перинаталды орталықтың ұжымы өзара кеңеседі және мекемедегі барлық жоғары технологиялық медициналық құрал-жабдықтар тексерістен өтеді. Эксперимент ретінде сынақ операциялары жүргізіліп, медициналық бригада да, технологиялар да дайындық жағдайына келтірілгеннен кейін операция 19 желтоқсанға белгіленеді.
Профессор Бахтиёр Ергашев оқытушылардың келісімімен отаны өзі бастаған.
«Операция 3 сағатқа созылды. Балалардың бір-бірімен бауыр арқылы қосылғаны дәлелденді. Балаларды ажырату кезінде бауырдан және басқа қан тамырларынан қан кетудің алдын алу үшін ультрадыбыстық және аргон скальпельі және Bloodstop деп аталатын заманауи қан тоқтататын материалды қолдандық. Соның салдарынан балалар аз қан кетумен ажыратып алдық», - дейді Б.Эргашев.
Сиам егіздерінің женесін бір-бірінен бөліп алғаннан кейін Фатимаға Бахтиёр Эргашев, Насриддин Эргашев және Нурбек Егамназаров ота жасаған болса, Зухраға бар Хабибулла Ақилов, Жавлон Мухтаров және Абдужамил Абдуғаниев сынды неонатал хирургтер бригадасы операция жасаған.
Оларға Республикалық перинаталды орталықтың неонатолог, реаниматолог және анестезиолог У.Азимова, М.Шовазова, А.Қурбонова, Ф.Жораева, Д.Халикулова, М.Мирюнусова, сондай-ақ білікті операциялық және медициналық медбикелер тоб көмек көрсеткен.
Бұл операциялар хирургтер тілімен айтқанда «өте сәтті» өткен.
Операция бөлмесіне бір тәнмен әкелінген нәрестелер екі тәуелсіз организм боп шыққан. Өте қиын операцияны өткізгені және өте нәзіктігі нәтижесінде сәбилердің жазылуы біразға дейін созылған. Әсіресе, Зухра ханның бүйрегі нормадан әлдеқайда кішкентай болуы бұл жерде өз әсерін көрсетпей қоймады. Оның денсаулығын қалпына келтіруге Республикалық жедел медициналық жәрдем ғылыми орталығының балалар бөлімінің мамандары да үлкен үлес қосқаны айтылады министрлік хабарында.
«Қазір мамандар осыған дейін «Сиам егіздер» атанған балалардың жағдайы тұрақты деп бағаланып отыр. Алдағы күндері сәбилер өзшаңырағына оралады деген үмітте. Бұл нәтижеге қол жеткізуде бірлесе жұмыс істеп, кәсіби деңгейде жұмыс істеген үлкен хирург ұжымы басты рөл атқарды.
Олар өздерінің біліктілігі, білімі, тәжірибесі және батылдығымен өзбек медицинасының шежіресіне тағы бір үлкен тарихи нәтижені мөрледі», - делінген министрлік хабарында.
Осы тарихи жағдайдан кейін, ӨР Денсаулық сақтау министрі Амрилло Иноятов операцияға қатысқан мамандарды «Денсаулық сақтау үздігі» төсбелгісімен және құрмет грамоталарымен марапаттаған.
