Бүгін – 4 қыркүйекте Өзбекстандағы барлық жалпы білім беретін мектептерде алғашқы қоңырау соғылып, жаңа оқу жылы басталды.

Мектепке дейінгі және мектеп білім беру министрлігінің хабарлауынша, 2023/2024 оқу жылында ел бойынша 1-сыныпқа 732 мыңнан астам бала барды.

Қабылдау процесі 2023 жылдың 20 маусымында басталған болып, ата-аналарға қолайлылық пен ашықтықты қамтамасыз ету мақсатында 43 аудан мен қалада 1-сыныпқа қабылдау процесі онлайн режимде ұйымдастырылды. 

Министрлікке қарасты «Жабдықтау және логистикалық қызмет» мемлекеттік унитарлық кәсіпорны 1-сынып оқушылары үшін 12 оқу құралынан тұратын «Президент сыйлығын» мектептерге жеткізді.

«Президент сыйлығы» жиынтығында сурет дәптері, желім, қалам, акварель бояуы, қарындаш, дәптер, түрлі-түсті қарындаш, өшіргіш, түрлі-түсті қағаз, пластилин, мектеп сөмкесі сияқты 12 білім беру құралы бар.

Мектептерде ұйымдастырылған «Алғашқы қоңырау» шараларына мемлекеттік және қоғамдық ұйымдардың өкілдері, ата-аналар, ұстаздар мен оқушылар, сондай-ақ мектептің белді түлектері қатысты.