Luxury Train Cruising пойызы әлемдік туристерге Самарқанд, Бұхара және Хиуа сияқты тарихи қалаларға баруға мүмкіндік береді.

«Өзбекстан темір жолдары» хабарынша, 2026 жылдан бастап Өзбекстанның тарихи қалалары арқылы өтетін Luxury Train Cruising пойызының қатынауы жолға қойылады. 

Компания мәліметіне сай, «Өзбекстан темір жолдары» АҚ мен Италияның «Arsenale Group S.P.A. компания арасында осы туралы меморандумға қол қойылды. Екі тарап жобаның сәтті жүзеге асатынына және оның Өзбекстандағы туризмді дамытудағы маңыздылығына сенім білдірген.

Luxury Train Cruising пойызы әлемдік туристерге Самарқанд, Бұхара және Хиуа сияқты тарихи қалаларға баруға мүмкіндік береді. Пойыз жолаушыларға сапар кезінде барынша жайлылықты қамтамасыз ету үшін заманауи жабдықталады.

Жоба Инвестициялар, индустрия және сауда министрлігінің қолдауымен жүзеге асырылуда.