Самарқандтағы Регистанның негізін қалаған Жалаңтөс Баһадүр туралы фильм түсірілмек.

Кинематография агенттігінің хабарлауынша, бұл туралы Самарқандтың Регистан алаңында «Шердор» және «Тилакори» медреселерін салу арқылы атақ-даңққа ие болған азамат туралы фильмнің тұсаукесерінде айтылды.

– Жалаңтөс Баһадүр ұлттық кейіпкер. Оның арқасында бүкіл әлем Регистан алаңының әсемдігі мен сәнін тамашалауда. 15 ғасырда Мырза Ұлықбек салған медресенің жанынан екі ғасыр өткен соң оның бұйрығымен екі медресе – «Шердор» және «Тилакори» салынды. Өкінішке қарай, Жалаңтөс туралы мәліметіміз аз, Өзбекстан Президентінің жеке тапсырысы бойынша түсіріліп жатқан фильм де адамдарға, әсіресе, жастарға сәулеттік мұрамыздың қалай жасалғанын жеткізуге бағытталған. Фильмді дайындауға көрсеткен қолдауы, іс-шараларымызды өткізуге көмектескені үшін Самарқанд облысының әкіміне және жеке қала әкімі Эркинжон Окботаевичга алғысымды білдіргім келеді, – деді фильмнің режиссері Джахангир Ахмедов.

Кинематография агенттігінің бас директоры Фирдавс Абдухоликов атап өткендей, Самарқанд шетелдік кинематографистерді тартатын орталыққа айналып келеді, қаланың кино түсірілім орны ретіндегі беделі тез артуда. Самарқанд бірлескен фильмдер түсіретін орынға айналды. Жақын арада мұнда өзбек-тәжік кинематографистерінің бірлескен «Науаи мен Жамий» фильмін түсіру жұмыстары басталады. Жақын арада Самарқандта экшн жанрындағы «Бұл дүниеде маған орын жоқ» түрік сериалының түсірілімі басталады.