10-15 ақпан күндері Өзбекстанда «Білімді әйел – қоғам айнасы» апталығы өтеді.

БҰҰ Бас Ассамблеясы 2013 жылғы 20 желтоқсанда «Даму мақсатындағы ғылым, техника және инновациялар» туралы қарарды қабылдады. Бұл құжатқа сай, кез келген жастағы әйелдер мен қыздардың ғылым, техника және инновация жетістіктерін дамытуда тең және толыққанды қатысу мүмкіндігіне ие болуы гендерлік теңдікті қамтамасыз етудің кепілі ретінде танылған.

Екі жылдан кейін, 2015 жылғы 22 желтоқсанда БҰҰ Бас Ассамблеясының жалпы отырысында 11 ақпан – «Ғылым саласындағы әйелдер мен қыздардың халықаралық күні» болып жарияланды.

Бұл дата жыл сайын елімізде кең көлемде атап өтіледі. Биыл да Үкіметтің 2025 жылғы 3 ақпандағы қаулысына сәйкес, 10-15 ақпан күндері «Білімді әйел – қоғам айнасы» тақырыбында апталық ұйымдастырылады.

Апталық аясында ғалым әйелдер мен ғылыми зерттеулер жүргізіп жүрген зерттеушілер, студенттер мен оқушы қыздардың қатысуымен білім беру мекемелері мен махаллаларда ғылыми-тәжірибелік конференциялар, сондай-ақ әйелдердің ғылымға қызығушылығын арттыруға бағытталған түрлі шаралар өткізіледі.

10 ақпан күні Ташкент мемлекеттік экономика университетінде өтетін «Әйел, бизнес және инновация» атты форумда апталықтың ресми ашылуы өтеді.

Сонымен қатар, апталық барысында бірқатар форумдар мен конференциялар ұйымдастырылады:

Әлемдік экономика және дипломатия университетінде – «Өзбекстанның ғалым әйелдерінің халықаралық аренадағы орны» атты форум, Ташкент химия-технология институтында – «Әйелдерді STEAM саласына тарту: жетістіктер мен мәселелер» тақырыбындағы халықаралық форум, Ташкент мемлекеттік шығыстану университетінде – «Тұрақты даму: инклюзивті білім беру және әйелдер бастамалары» тақырыбындағы халықаралық форум, Өзбекстан Ғылым академиясы ұйымдастыруымен – «Әйелдердің ғылым мен көшбасшылықтағы рөлі» атты іс-шара өтеді.

Сонымен қатар, Ұлттар арасындағы қатынастар және шет елдермен достық байланыстар жөніндегі комитетте – «Көпұлтты Жаңа Өзбекстандағы ғылым мен кәсіпкерліктің дамуының ерекшеліктері» тақырыбында халықаралық конференция, Ташкент мемлекеттік техникалық университетінде – «Инженер әйелдер – 2025» форумы және көрмесі ұйымдастырылады.

Ташкент ақпараттық технологиялар университетінде – «Ақпараттық технологиялар саласындағы әйелдердің орны» тақырыбында форум және көрме, Әлемдік экономика және дипломатия университетінде – «Өзбекстанның жас ғалым қыздары – Үшінші Ренессанс жасаушылары» атты конференция, Менделеев атындағы Ресей химия-технология университетінің Ташкент филиалында – «Ғаламдық әйелдер түскі асы» атты іс-шара ұйымдастырылады.

Сонымен қатар, апталық аясында көптеген басқа да іс-шаралар да өткізу жоспарланған.