Өзбекстан Президенті Сербия Республикасы орденімен марапатталды
Белград қаласында өткен іс-шаралар аясында Өзбекстан Республикасының Президенті Шавкат Мирзиёевті Сербияның жоғары мемлекеттік наградасы – Үлкен тізбекті Сербия Республикасы орденімен марапаттау рәсімі өтті.
Екі ел арасындағы көпқырлы қарым-қатынастарды нығайтуға қосқан зор үлесі үшін бұл орденді Мемлекет басшысына Сербия Президенті Александр Вучич табыстады.
Мемлекет басшысы жоғары награда үшін терең ризашылығын білдіріп, оны Сербия халқының Өзбекстанға деген зор құрметінің, нығайып келе жатқан достықтың және екіжақты қатынастарды одан әрі дамытуға деген берік ұмтылыстың символы деп білетінін атап өтті.
Сербия Республикасы ордені шет мемлекеттердің көрнекті қайраткерлеріне халықтар арасындағы бейбітшілік, ынтымақтастық пен өзара түсіністікті нығайтуға, сондай-ақ республикамен достық байланыстарды дамытуға қосқан елеулі үлесі үшін беріледі.
